Y Cylch Catholig
Dan nawdd Esgobion Cymru
Croeso i'n Gwefan
OFFEREN PADARN SANT
Annwyl bawb,
Ar ran Gweithgor Padarn Sant, anfonaf air o anogaeth i bawb sy'n gallu geisio mynychu Offeren Padarn Sant yn Llanbadarn Fawr ar y 18fed o Ebrill, os gwelwch yn dda. Mae hwn yn ddathliad cenedlaethol, a byddai'r criw bach ym mhlwyf Aberystwyth sy'n trefnu'r achlysur blynyddol hwn yn eithriadol o falch o weld cefnogaeth gadarn gan aelodau'r Cylch a'ch cyfeillion.
Allwn ni ddim addo tywydd da, ond mae record eitha da o ddiwrnodau heulog yma yng Ngheredigion, dros y blynyddoedd, wrth inni ddathlu Padarn Sant!
Gyda diolch ac mewn gobaith y gwelwn ni nifer ohonoch chi yno.
Dafydd Pritchard Cadeirydd
Ar ran Gweithgor Padarn Sant
Amcanion y Cylch
Bod o gymorth i Gatholigion sy’n siarad Cymraeg fyw bywyd ysbrydol cyflawn drwy gyfrwng eu mamiaith, gan gynnig cyfleoedd i addoli yn y Gymraeg, a hyrwyddo’r gwaith o ddarparu Ilyfrau ac adnoddau hanfodol at y diben hwn.
Sicrhau bod hanes cyfoethog y Ffydd Gatholig drwy gyfrwng y Gymraeg yng Nghymru yn cael ei gadw a’i gyhoeddi i’r cenedlaethau i ddod.
Croeso
Mae’r Cylch Catholig wedi bod mewn bodolaeth ers 1940.
Mae llyfr Ioan Roberts, Gwinllan a Roddwyd, Hanes y Cylch Catholig yn ddarllenadwy iawn, ac yn crynhoi ein hanes ni dros bron iawn i ganrif.
Gwelwch ein hamcanion diweddaraf uchod. Un amcan sydd wedi goroesi’r degawdau yw ein bod ni’n gymdeithas sy’n ceisio fod ‘o gymorth i Gatholigion sy’n siarad Cymraeg fyw bywyd ysbrydol cyflawn drwy gyfrwng eu mamiaith.'
Ar y wefan hon mae ychydig adnoddau ar gael, a gwybodaeth i agor drysau. Rydym yn cyfarfod ar ZOOM y dyddiau hyn, fel y gwelwch. Bydd yr Offeren yn cael ei dathlu yn y Gymraeg ar nifer o ddyddiadau blynyddol, ac yn fisol mewn rhai mannau.
Mae pob gweithred y Cylch yn wirfoddol o dan nawdd Esgobion Cymru.
Mae gennym aelodaeth sy’n cynrychioli pedwar ban y byd. Rydym yn awyddus i roi cefnogaeth i ddysgwyr y Gymraeg.